அஸீஸ் நிசாருத்தீன் ஹைக்கூ கவிதை 49

கால்கள் இல்லாததனால்
கல்லில் சலங்கையா ?
நதியின் நர்த்தனம்!

அஸீஸ் நிசாருத்தீன் ஹைக்கூ கவிதை 47

உறங்கும் ஏரியின்
உறக்கத்தை கலைத்தது
சிறிய நீர்த்துளி!

அஸீஸ் நிசாருத்தீன் ஹைக்கூ கவிதை 46

கண்ணாடியின் மீது
நீர்ச்சாய ஓவியம்
மழைத்துளி !

அஸீஸ் நிசாருத்தீன் ஹைக்கூ கவிதை 45

மனிதனுக்கு மட்டுமென்ன
மழைக்கும் வேண்டுமாம்
குடையாய் காளான்!

அஸீஸ் நிசாருத்தீன் ஹைக்கூ கவிதை 44

துளியாய் வந்து என் குடைக்கு
தாளம் போட்ட மழை
வெள்ளமாகி கொள்ளையிட்டது

அஸீஸ் நிசாருத்தீன் ஹைக்கூ கவிதை 43

எந்த உயிருக்கும் துன்பம் கொடுக்காதே
சாந்தமாய் வீற்றிருந்தார் புத்த பகவான்
பூஜை மலரில் இரத்தவாடை!

அஸீஸ் நிசாருத்தீன் ஹைக்கூ கவிதை 42

அரசை ஆதரிப்பது சமுதாய வளர்ச்சிக்கு தானாம்
அதனால் நன்றாக வளர்ந்தது
அமைச்சரின் வயிறும் குடும்பமும் !

அஸீஸ் நிசாருத்தீன் ஹைக்கூ கவிதை 41

பஞ்சசீலத்தைப் பற்றியதால்
ஈ எறும்பைக் கொல்வதில்லை
பிணமாய் மனிதர்கள்!

அஸீஸ் நிசாருத்தீன் ஹைக்கூ கவிதை 40

அசிங்கத்தை உண்ணும் காகம்
இனத்தையே அழைக்கிறது
அதற்க்கு மாறாய் அரசியல்வாதி !

அஸீஸ் நிசாருத்தீன் ஹைக்கூ கவிதை 39

சிட்டுக் குருவிக்கு சிறகே சுதந்திரம்
அது ஆகாயத்தில் ஆனந்தமாய்!
என் வீட்டு வாசலில் முள் வேலி

அஸீஸ் நிசாருத்தீன் ஹைக்கூ கவிதை 38

கரை ஏற விடுங்கள் என
கால்களைப்பிடித்து கேட்கிறது
கடல் அலைகள்

அஸீஸ் நிசாருத்தீன் ஹைக்கூ கவிதை 37

தென்றல் சிதைத்ததா?
என்ன கொடுமை
நிலத்தில் ரோஜா இதழ்

அஸீஸ் நிசாருத்தீன் ஹைக்கூ கவிதை 36

வாளிக்குள் வர
மறுத்தது
கிணற்றில் நிலவு!

அஸீஸ் நிசாருத்தீன் ஹைக்கூ கவிதை 35

நட்சத்திரங்களோடு கதைத்து
நித்திரையாகின பிள்ளைகள்
ஓட்டைக் கூரை

அஸீஸ் நிசாருத்தீன் ஹைக்கூ கவிதை 34

செஞ்சோற்று கடன் பட்டவை

சுற்றி சுற்றி நக்கின

கால்கள் சுத்தம்!

அஸீஸ் நிசாருத்தீன் ஹைக்கூ கவிதை 33

பாவத்தின் சம்பளம் மரணமாம்  

மரணத்தின் சம்பளம் இவர்களா?  

ஈராக் மக்கள்!

அஸீஸ் நிசாருத்தீன் ஹைக்கூ கவிதை 32

இரத்தம் தோய்ந்த சப்பாத்துகள்  

இறைச்சித் துண்டங்களாய் சிறுவர்கள்  

பயங்கரவாதம் நிறைவு!

அஸீஸ் நிசாருத்தீன் ஹைக்கூ கவிதை 31

சகல ஜீவன்களும் சுகமாய் வாழ்க  

காருண்ய புத்த போதனை  

கூரிய ஆயுதமாய் சிங்கள வாதம் !

அஸீஸ் நிசாருத்தீனின் ஹைக்கு கவிதை 30

வருடிவிடப் போனேன்  

வலியைத் தந்தது 

ரோஜா முள்!

அசீஸ் நிசாருத்தீனின் ஹைக்கு கவிதை 29

தற்கொலைக்காக நீண்டு படுத்தும்

தப்பித்துக்கொண்டன

தண்டவாளங்கள்!

அஸீஸ் நிசாருத்தீன் ஹைக்கூ கவிதை 28

சிதைந்த உடலங்களுக்குள்  

தேடிப்பார்த்தேன்  

மனித நேய நடவடிக்கை !

அஸீஸ் நிசாருத்தீன் ஹைக்கூ கவிதை 27

பௌர்ணமி நிலவில் பௌத்த விகாரை 

வாசலில் சோதனைச் சாவடி  

உயிர்க்குடிக்க ஆவலாய் ஏ கே 47

அஸீஸ் நிசாருத்தீன் ஹைக்கூ கவிதை 26

கவிஞன் கண் திறக்க மாட்டானாம்  

கண்ணீர் வடிக்கிறது  

கல்லறையின் புல்லில் பனித்துளி !

அஸீஸ் நிசாருத்தீன் ஹைக்கூ கவிதை 25

அஹிம்சை அழுகிறது  

இரத்தக் கறையின் கரங்களில்  

புத்தர் சிலை !

அஸீஸ் நிசாருத்தீன் ஹைக்கூ கவிதை 24

வாருங்கள் வழி காட்டுகிறேன்  

இருட்டில் நிற்கிறது  

வெளிச்ச வீடு!

அஸீஸ் நிசாருத்தீன் ஹைக்கூ கவிதை 23

இரை இல்லாதவரிடம்
கொசுக்கள் சுற்றி சுற்றி தேடுகின்றன
இரையை !

அஸீஸ் நிசாருத்தீன் ஹைக்கூ கவிதை 22

என்னை பெரியவனாய் காட்டும்
சிலவேளை சிறியவனாய் மாற்றும்
அரசியலைப்போல எனது நிழல்!

அஸீஸ் நிசாருத்தீன் ஹைக்கூ கவிதை 21

நடுநிசியில் உன் நச்சரிப்பு  

நித்திரையை கலைக்கிறது 

நுளம்பு !

அஸீஸ் நிசாருத்தீன் ஹைக்கூ கவிதை 20

சங்கீதம் இன்பமானது என்பதற்காக
உன்னை நான் நேசிக்கமாட்டேன்
காதின் அருகில் நுளம்பு

அஸீஸ் நிசாருத்தீன் ஹைக்கூ கவிதை 19

ஊதியம் இல்லாமல்

ஊழியம் செய்கிறது

வயல்காட்டு பொம்மை!

அஸீஸ் நிசாருத்தீன் ஹைக்கூ கவிதை 18

தீயும் திரியும் உறிஞ்ச

எண்ணையோடு விடைபெற்றது

இருட்டு

அஸீஸ் நிசாருத்தீன் ஹைக்கூ கவிதை 17

ஆடை கலைந்து

நீலமாய்..... நிற்கிறது

வானம்

அஸீஸ் நிசாருத்தீன் ஹைக்கூ கவிதை 16

வாகன நெரிசல்

திரு திருவென விளிக்கிறது
தெருவோர நிற விளக்கு

அஸீஸ் நிசாருத்தீன் ஹைக்கூ கவிதை 15

தசையை உண்ட நாய்

எலும்பை எறிந்தது

ஆபிரிக்க பஞ்சம்

அஸீஸ் நிசாருத்தீன் ஹைக்கூ கவிதை 14

இந்த பசுமையை

கொள்ளை இட்டது யார்?

இலையுதிர் காலம்

அஸீஸ் நிசாருத்தீன் ஹைக்கூ கவிதை 13

உடன் வந்து

இடை நடுவில் பிரிந்தாயே

அறுந்த செருப்பு

அஸீஸ் நிசாருத்தீன் ஹைக்கூ கவிதை 12

பூக்களைக்கொன்றா
பிணத்திற்கு அஞ்சலி

மலர்வளையம்

அஸீஸ் நிசாருத்தீன் ஹைக்கூ கவிதை 11

அழு நன்றாக அழு

அழுகையே ஆனந்தம்

புல்லங்குழல்

அஸீஸ் நிசாருத்தீன் ஹைக்கூ கவிதை 10

புல்லாங்குழல்

விரல்களால் அடைத்து
உன் சுவாசத்தை சிதைத்தேன்

நீ அழுவதே ஆனந்தம்

அஸீஸ் நிசாருத்தீன் ஹைக்கூ கவிதை 09

இறந்த ஹிட்லர்

எப்போது எழுந்தான் ?

உலகமே கொலைக்களம்

அஸீஸ் நிசாருத்தீன் ஹைக்கூ கவிதை 08

அஹிம்சை?

கதர் ஆடைத்துணியினால்
கபன் ஆடை சமைத்தனர்

குஜராத் கொலைக்களம்!

அஸீஸ் நிசாருத்தீன் ஹைக்கூ கவிதை 07

கிலாபத்

கல்பில் இருந்து

பிரிந்த கலிமா
கொடியில் பதிந்தது

அஸீஸ் நிசாருத்தீன் ஹைக்கூ கவிதை 06

வாடகை பிரச்சினை

வந்ததே இல்லை
விசாலமான வீதிகள்!

அஸீஸ் நிசாருத்தீன் ஹைக்கூ கவிதை 05

நிரைந்த கள்ள வாக்குகளால்
நெருங்கி செத்தது
ஜனநாயகம் !

அஸீஸ் நிசாருத்தீன் ஹைக்கூ கவிதை 04

பனியில் வியர்த்த
பூக்களின் புலம்பல்....
இது வர்ண சாமரம்

அஸீஸ் நிசாருத்தீன் ஹைக்கூ கவிதை 03

கூரைகள் பறந்தன

காரணம் தேடினேன்

வீட்டில் குமர்கள்

அஸீஸ் நிசாருத்தீன் ஹைக்கூ கவிதை 02

அமாவாசை இருளுக்குள்

பௌர்ணமி எப்படி?

பர்தா முகம்

அஸீஸ் நிசாருத்தீன் ஹைக்கூ கவிதை 01

இவ்வளவு இரத்தம் குடித்தும்

சிவக்கவில்லையே

வெள்ளை மாளிகை!